बाँके । इन्फिनिटी लघुवित्त वित्तिय संस्था लिमिटेडले डुडुवा गाँउपालिका कम्दि शाखाले समुहका सदस्यहरुको लागि गोष्ठी तथा वित्तिय साक्षरता कार्यक्रम सम्पन्न गरेको छ ।
संस्थामा आवद्ध सदस्यलाई व्यवस्थित रुपमा कारोवार गर्न तथा वित्तिय अनुशासन कला सिकाउने उद्देश्यले कार्यक्रम गरेको हो ।
इन्फिनिटी लघुवित्त वित्तिय संस्था लिमिटेड केन्द्रिय कार्यालयको सहजिकरण र कम्दि शाखा डुडुवा गाँउपालिका शाखाको आयोजनामा समुह प्रमुख गोष्ठि तथा वित्तिय साक्षरता कार्यक्रम सम्पन्न गरेको हो ।
कार्यक्रममा अनुगमन विभाग अधिकृत प्रकाश अधिकारी ले गोष्ठीको सहजिकरण गर्दै वित्तिय संस्थामा कारोवार गर्दा हुने फाइदा, कर्जाको सदुपयोग कसरी गर्ने, बचत कसरी गर्ने वित्तिय संस्थाको संरचना, वित्तिय संस्थाले गर्ने कार्य, मोवाइल बैंकिङ सेवाका साथै संस्थाले उपलब्ध गराउने सेवा सुविधा सम्बन्धमा समुहका सदस्यलाई जानकारी गराउनु भएको थियो ।
उहाँले पछिल्लो समय केहि व्यक्ति समुहले वित्तिय संस्था प्रत्ति नकारात्मक भ्रम फैलाईरहेकोले त्यसकुराको पछि नलाग्न आग्रह गर्नुभयो ।
आफनो नाममा ऋण निकालेर अरुलाई दिने, ऋण लिएर सही ठाउँमा प्रयोग नगर्ने र पछि संस्थालाई दोष दिने भएकाले यसमा समुह सदस्य संग वित्तिय साक्षरताको ज्ञान हुन आवश्य रहेको उहाँले बताउनुभयो ।
कार्यक्रममा डुडुवा गाँउपालिका वडा नम्बर ०५ का वडा अध्यक्ष झंक बहादुर थापाले कर्जालाई सही सदुपयोग गर्नु पर्नेमा बताउँदै वित्तिय संस्था बाट कारोवार गर्दा राम्रो संग बुझेर मात्र कारोवार गर्न आग्रह गर्नुभयो ।
कार्यक्रममा इन्फिनिटी लघुवित्त वित्तिय संस्था लिमिटेड कम्दि शाखा प्रवन्धक अ्मित्रा चौधरिले शाखाको प्रगति विवरण प्रस्तुत गर्नु भएको थियो ।कार्यक्रममा कम्दि शाखा अन्तर्गत रहेका ६९ बटा समुहका ६४ जना सदस्यको उपस्थिती रहेको थियो ।
कार्यक्रमको अवसरमा ४ वटा समुहलाई वार्षिक समुह मूल्याङ्कनको आधारमा पुस्कार समेत प्रदान गरिएको छ
मुना बुढा क्षेत्रीको अध्यक्षतामा भएको कार्यक्रम संस्थाका कार्यक्रमको सञ्चालन डुडुवा गाँउपालिका शाखाका कर्मचारी कविता खत्रीले संचालन गर्नु भएको थियो ।
