कालिकोट ।
जिल्लाको नरहरिनाथ गाउँपालिकाको वडा नम्बर— ३ लाई पढाइ कुना युक्त वडा घोषणा गरिएको छ । वडा नम्बर—३ का सबै टोलमा पढाइ कुना निर्माण, सुपरिवेक्षण तथा अनुगमन,समुदायसंग पढाइ कुनाबारे ज्ञान सुदृढ पढाइ कुनाको तथ्यांङ विश्लेषणलगाएतका सुचक पुरा भएपछि पढाई कुना युक्त वडा घोषणा गरीएको हो ।
सबै बालबालिकालाई आ आफ्नो घरमा बिहान बेलुका अध्यानका लागि उपयुक्त वातावरण अभिभावकले उपलब्ध गराउन र पढाइमा सहयोग गनुपर्ने शिक्षा शाख प्रमुख दुर्गलाल न्यौपालेले बताए । उनले वडा नम्बर ३ मा ३ सय ५४ वटा पढाइ कुना तयार भएको जानकारी दिए ।
उनले वडामा ९२ प्रतिसत पढाइ कुना तयार भएको बताउदै अरु अविभावकले पनी घरमा पढाइ कुना बनाउनुपर्ने बताए । उनले गाउँपालिकालाई पढाइ कुना युक्त पलिका घोषणा गर्न सबैले घरमा पढाई कुना बनाउन सुझाव दिए ।
विद्याथी सन्तोसी बुढाका अनुसार आफ्नो वडामा पढाइ कुना बनाउदा अफुलाई धेरै खुसी लागेको बताइन् उनले भनिन् बालवालिकालाई पढाइमा सहजता ल्याउन घरमा पढाइ कुना आवश्यक रहेछ बुढाले भनिन् । उनले आफ्नो टोलका सबैलाइ पढाइ कुना तयार गर्न सुझाव दिइन् ।
घोषणा कार्यक्रममा विद्यार्थी अन्जु विष्टले पढाई कुनाले विद्यालयको वातावरणमा पनि परिवर्तन भएको बताईन् । उनले पढाई कुनाले विद्यार्थीलाई पढ्ने वातावरणको सिर्जनामा थप बल पुगेको बताईन् । उनीहरुमात्र होइनन् पढाई कुनाले नरहरिनाथ गाउँपालिका ३ की लक्ष्मी विकलाई पनि खुसी दिलाएको छ ।
परियोजना संयोजक पदम हमालका अनुसार विगत एक वर्षदेखि वडाको सबै वडामा पढाइ कुना तयार गरी कार्याक्रम सुरु गरेको बताए । शिक्षाको स्तर सुधारमा धेरै प्रभाव पर्ने उनले बताए । उनले शिक्षाको सुधारको लागि वडा सरकारले पनी सहयो गरेको बताए ।
एक घर एक पढाई कुना नरहरिनाथ बालबालिकाको शिक्षमा सुधार दुई गुणा भन्ने नाराका साथ प्लान इन्टरनेश्नल नेपालको आर्थिक सहयोग किर्डाक नेपालको सहजिकरण तथा नहरिनाथ गाउँपालिकाका वडा नं ३ को आयोजना र नरहरिनाथ गाउँपालिकाको समन्वयमा कार्यक्रम सम्पन्न भएको थियो ।
