नेपालगंज– खाद्य प्रविधि तथा गुण नियन्त्रण कार्यालय, नेपालगंज, बाँकेले आज माघ १२ गते कार्यालयको सभाहलमा आ.व. २०८०/८१ को दोस्रो त्रैमासिक समिक्षा गोष्ठी” सम्पन्न गरेको छ ।
नेपालगञ्जले जनशक्तिको अभावको कारण लक्ष अनुसारको प्रगति गर्न कठिन हुने गरेको बताईएको छ । शुक्रबार नेपालगञ्जमा आयोजित दोस्रो चौमासिक समिक्षा कार्यक्रमका अवसरमा कार्यालय प्रमुख अमित भुषण सुमनले सो कुरा बताएका हुन ।
उनले मन्त्रालयको अत्यन्तै कम प्राथामिकतामा रहेको आफ्नो कार्यालय अन्तरगत एक डिभिजनल कार्यालय सहित ६ वटा जिल्लाका लागि ९ जना जनशक्तिले खाद्य अनुज्ञापत्र जारी गर्नु, बजार अनुगमन, सेम्पल संकलन गर्नु, लगायतका कार्यसम्पादन गर्नु आफुहरुको बाध्यता रहेको सो अवसरमा उनले बताए ।
यस कार्यालयले यस ३ महिनाको अवधिमा विभिन्न प्रकारका खाद्य व्यवसाय अनुगमन गरेको र उपभोग्य मिति सकिएको, लेवल विवरण नभएको तथा अन्य कैफियत देखिएका खाद्य वस्तुहरु लगभग रु. १,४५,६९० बराबरको जफत नष्ट गरेको छ।
यस कार्यालय अन्तर्गत प्रयोगशालामा ८०५ वटा खाद्य तथा दाना नमुनाहरु विश्लेषण भएकोमा २१ वटा नमुनाहरुमा कैफियत देखिएको थियो। उक्त कार्यक्रममा खाद्य प्रविधि तथा गुण नियन्त्रण कार्यालय नेपालगंजको वार्षिक प्रगति प्रतिवेदन खाद्य अनुसन्धान अधिकृत रामहरी लामिछानेले प्रस्तुत गर्दै कार्यालयको वित्तीय प्रतिशत, भारित प्रतिशत र राजश्व संकलन रहेको जानकारी गराउनुभयो।
उहाँले प्रगति कम हुनुको कारण अन्तिममा मात्र बजेट प्राप्त भएको र दरबन्दी अनुसार कर्मचारी नभएको बताउनुभयो।
यसै गरि खाद्य प्रविधि तथा गुण नियन्त्रण डिभिजन कार्यालय, दाङको प्रगति प्रतिवेदन प्रस्तुत गर्दै कार्यालय प्रमुख उज्जल रायमाझीले लक्ष्य अनुसार प्रगति भएको बताउनुभयो। यस आवधिमा कार्यालयले ७६ पटक व्यवसाय अनुगमन गरेको थियो।
कार्यक्रममा उपभोक्ता हित संरक्षण मंचका सचिव प्रभात कुमार ठकुरीले यस कार्यालयले खाद्य स्वच्छताको क्षेत्रमा राम्रो काम गरेको भए पनि बजारमा अस्वच्छ तथा कम गुणस्तरका सामानको विगविगी रहेको पाइएकोले आगामी दिनमा कार्यालयले अझै प्रभावकारी रुपमा काम गर्नु पर्नेमा जोड दिनुभयो।
नेपाल पत्रकार महासंघका सचिव कमल डाँगीले सरकारी कार्यालय र पत्रकार बिचको अन्तरक्रियाले जनतामा सहि समाचार सम्प्रेषण हुने भएकोले यस्ता कार्यक्रम महत्वपूर्ण रहेको बताउनुभयो।
खाद्य प्रविधि तथा गुण नियन्त्रण कार्यालय नेपालगञ्जले आर्थिक बर्ष २०८०-८१ मा चालु र पूँजीगत गरि २ करोड ४४ लाख १० हजार बजेट मध्ये ८९ प्रतिशत खर्च गरेको छ ।
कार्यक्रममा बाणिज्य कार्यालय बाँकेका विष्णु प्रसाद धिताल, पशु तथा भेटनरी अस्पताल नेपालगञ्जका प्रमुख कमला अधिकधारी, उपभोक्ता हित संरक्षण मञ्चका प्रभात कुमार ठकुरीलगायतले आ-आफ्नो सुझाव दिएका थिए ।
कार्यक्रमको अन्त्यमा कार्यालयका निमित्त कार्यालय प्रमुख अमित भूषण सुमनले कार्यालयले यस क्षेत्रको खाद्य स्वच्छता कायम गर्न नियमित काम गरिरहेको बताउनुभयो। खाद्य स्वच्छता एउटा निकायको प्रयासले मात्र सम्भव नहुने हुँदा सबै सरोकारवालालाई साथ सहयोगको लागि आवान गर्नुभयो।
कार्यक्रममा विभिन्न सरकारी निकायका कार्यालय प्रमुख/प्रतिनिधि, उद्योग बाणिज्य संघका प्रतिनिधि, उपभोक्ता कर्मी, विभिन्न संघ/संस्थाका प्रतिनिधि, पत्रकार लगायतको सहभागिता थियो। खाद्य अनुसन्धान अधिकृत एकराज बुढाथोकीले संचालन गरेको कार्यक्रममा खाद्य अनुसन्धान अधिकृत अन्जु हुमागाँईले स्वागत मन्तव्य राख्नु भएको थियो।
