नेपालगन्ज । लुम्बिनी प्रदेशसभाले निजामती कर्मचारी विधेयक पारित गरेको छ । प्रदेश निजामती सेवाको गठन, सञ्चालन र सेवाका सर्तका सम्बन्धमा व्यवस्था गर्न बनेको विधेयक शुक्रबार पारित भएको हो ।
२४औँ बैठकमा आन्तरिक मामिला तथा कानुन समितिले प्रतिवेदनसहितको विधेयक पेस गरेका गरेको थियो । मुख्यमन्त्री डिल्ली चौधरीले सो विधेयक पारित गरियोस् भन्ने प्रस्ताव राखेका थिए । सभाले सो प्रस्ताव पास गरेसँगै लुम्बिनीले निजामती ऐन बनाएको हो । अब प्रदेश प्रमुखले प्रमाणीकरण गरेपछि सो विधेयक कानुनका रुपमा लागू हुनेछ ।
शुक्रबार बसेको बैठकमा मुख्यमन्त्री चौधरीले जग्गा फुकुवामा प्रतिपक्ष दलले सहयोग गर्नुपर्ने बताए ।
