नेपालगन्ज । नेपालगन्ज -२१ मा रहेकाे कान्जिहाउसलाई आर्थिक आम्दानीको माध्यमकारुपमा समेत प्रयोग गर्न लागिएको छ ।
गत बैशाखदेखि निर्णय गरेरै मल बेच्न थालिएको छ । हालसम्म दश ट्राली मल बेचिसकेको भारतीले जानकारी दिएका छन् । उपमहानगरपालिकाले निर्णय नै गरेर प्रति ट्रली रु पैतालिस सयमा मल बेच्दै आएको छ ।
भारती भन्छन्,–‘यो आर्थिक वर्षमा मलको विक्री बढ्छ, यो पैसाले यहाँको खर्च व्यवस्थापनमा थोरै भए पनि राहत दिन्छ जस्तो छ ।’ उपमहानगरपालिकाले मासिक आठ लाखसम्म खर्च गर्दै आएको छ ।
काञ्जिहाउसबाट दुधालु गाई लग्छन् । त्यसरी लगेको गाई दुध दिदासम्म लगेकाले घरमै राख्छन्, दुध नदिए सडकै वेवारिसे छाड्ने गरेको भेटिएको छ । कान्जिहाउसका कर्मचारी भन्छन्,–‘हामीले रेखदेख गरेका त्यस्ता गाईलाई फेरी घुम्दैफिर्तै यही ल्याएर राखिएका छन् । वेवारिसे छाड्नेले गाई किन लैजानु ?’
कान्जिहाउसका इन्चार्ज राकेश भारतीका अनुसार करिव साठ्ठी गाई गत आर्थिक वर्षमा सर्वसाधारणले लिए । उपमहानगरका निवेदन दिएपछि उक्त निवेदनका आधारमा आएका सिफारिसलाई हेरेर गाई दिइन्छ । यसरी निवेदन दिनेले दुधालु गाई मात्रै माग्छन् । बलियो र हस्टपुष्ट गाई मात्रै लिएर जान्छन् । ‘दुध दिन सक्ने हेरेर मात्र लैजान्छन् । अरु हेरचाहका लागि लैजाने त को आउथ्यो होला र ?’– भारतीले भने,–‘यहाँबाट लगेका गाई दुध दिन छाडिसकेपछि सडक हुँदै फेरी कान्जिहाउसमै भेटिएका छन् ।’
