नेपालगन्ज – अहिले प्रकोपको रूपमा आँखाकाे संक्रमण बढ्दै गएको छ । त्यसबाट जाेगिन चश्मा लगाउनेकाे संख्या बढ्दै जाँदा चश्मा बिक्रिमा ठगी समेत भइरहेकाे फेला परेकाे छ ।
जिल्ला प्रशासन कार्यालय बाँकेकाे अगुवाइमा भएको बजार अनुगमनका क्रममा यस्तो फेला परेकाे हाे । उपचारमा नागरिक नठगिउन्, सहज र सुलभ रूपमा सेवा प्राप्त गर्न सकुन् भन्ने उद्देश्यले कोहलपुर नगर क्षेत्रका आँखा अस्पताल, क्लिनिक र अप्टिकल फर्महरुको अनुगमन गरिएको थियाे ।
अनुचित व्यापारिक कृयाकलाप गर्ने चारवटा आँखा अस्पताल, क्लिनिक एवं अप्टिकल फर्मलाई जनही रु. २०/२० हजारको दरले तत्काल रु. ८० हजार जरिवाना ताेकिएको छ ।
