बिनोद शाही मुगु , मुगु जिल्लाको उत्तरी क्षेत्रमा पर्ने सोरु गाँउपालिकाको वडा नम्बर १ लामाकाँधमा नेपाल टेलिकमको 4G टावर संचालन गरि गाउँपालिका तथा छिमेकी जिल्ला आसपासमा सूचना तथा सञ्चारको पहुच बढाउनका लागि बिगत केही बर्ष देखि अलपत्र परेको 4G टावर लाई छिटोभन्दा छिटो सेवा दिने हेतुले आज सोरु गाउँपालिका कर्मचारी तथा स्थानीय वासिन्दाले सोरुकोट देखि टावर बन्ने स्थान सम्म ३ घन्टाको उकालो पैदलमार्ग बाट आबश्यक फलामे एङ्गेल , छ्ड हरु श्रमदान गरि संबन्धित स्थान सम्म पुर्याएका छ्न ।
आज बिहानै १० बजे कर्मचारीहरु कार्यालय उपस्थित हुने बित्तिकै सोरु गाउँपालिका अध्यक्ष धर्म बहादुर शाहीले कार्यालयको काम बाधा नपर्ने गरि प्रत्येक शाखा बाट इच्छुक कर्मचारीले श्रमदानको लागि तयारी हुन निर्देशन गरि सकेपछि गाउँपालिकामा कार्यरत ३५ जना कर्मचारी र ५ जना गाउँपालिकाकै बासिन्दा ले सम्बन्धित स्थान सम्म सामाग्री ओसार्न मा सहयोग गरेका छ्न ।
गाउँपालिका अध्यक्षका अनुसार यहि फागुन महिना भित्रै टावर जडान को काम पूरा गर्न ताकेता लगाउने र छाँयानाथ रारा नगरपालिकाको थार्पमालिकाको 4G टाँवर मार्फत सोरु गाउँपालिका ८ कच्चेकोट दरबारको 4G टावर हुँदै लामाकाध टावर बाट सेवा दिने बताउनु भएको छ ।
यस गाउँपालिका मा अन्य ईन्टरनेट जडान निकै महँगो भएको र सबै समुदायमा पहुँच नभएको हुदा 4G टावर लाई छिटै संचालन्नमा ल्याउन आफू निर्बाचित भै सकेपछी तत्काल काठमाडौं गइ नेपाल टेलिकम केन्द्रिय कार्यालय मा ताकेता दिएको अध्यक्ष शाहिले जानकारी दिनु भयो ।
साथै गाउँपालिकामा छिटोभन्दा छिटो टावर बनेर सबै जनताले सेवा पावस र टावर बनाउने जिम्मा पाएका ठेकेदार कम्पनीको पनि जागर पलावस भनेर खुल्ला मनै देखि श्रमदान गरेको टावर निर्माण हुन्जेल सक्दो श्रमदान गर्ने पनि गाउँपालिका कर्मचारी को प्रतिबद्धता रहेको थियो ।
