कालिकोट – कालिकोटको नरहरीनाथ गाउँपालिकामा रहेका अति विपन्न ८० बालबालिका लाई शैक्षिक समाग्री वितरण गरिएको छ ।
अति विपन्न आठ बालबालिका लाई झोला सहित शैक्षिक सामाग्री र अन्य गाउँपालिका भित्रका ८० बालबालिका लाई समाग्री प्रदान गरिएको हाे ।
शैक्षिक समाग्रीको अभावमा समस्या हुन नदिने उद्येश्य लिएर प्लान नेपाल संगको साझेदारीमा किर्डाक, नेपालले वितरण गरेको हो । शनिबार एक कार्यक्रम विच बालबालीकाका अभिभावक लाई झोला, कापि, कलम, डट्पेन, ज्यामीति लगायत सामाग्री हस्तान्तरण गरिएको छ ।
बालबालीका लाई झोला सहित वर्षभरी पुग्नेगरेर शैक्षिक समाग्री वितरण गरिएको किर्डाक, नेपालका परियोजना संयोजन पदम हमालले जानकारी दिएका छन् ।
सामाग्री बुझ्ने क्रममा प्लान र किर्डाकले दिएको सामाग्रीले बालबालिका लाई पठन पाठनमा सहयोगक साथै आफ्नो आर्थिक भार कम हुने भएकाले अभिभावकले संस्था लाई धन्यवाद दिएका छन् ।
