सुर्खेत / जिल्लाभर टाइफाइड विरुद्धको खोप लगाउँनेहरूमा वृद्धि भएको छ । जनस्वास्थ्य सेवा कार्यालय सुर्खेतले आर्थिक वर्ष २०७८र७९ को प्रगति विवरण सार्वजनिक गर्दै जिल्लाभर खोप सोचेको भन्दा धेरै बालबालिकाले खोप लगाएको तथ्याङ्क सार्वजनिक गरेको हो ।
कार्यालयले सोमबार अन्तरक्रिया कार्यक्रम गर्दै जनस्वास्थ्य सेवा कार्यालयकाअनुसार जिल्लाभर एकसय पाँच दशमलव ७९ प्रतिशत बालबालिकाहरूले खोप लगाएका छन् । सुर्खेतमा रहेका नौ स्थानीय तह मध्ये सबै भन्दा बढी बालबालिका पञ्चपुरी नगरपालिका एकसय २७ दशमलव ८ प्रतिशत बालबालिका रहेका छन् भने सबै भन्दा कम चौकुने गाउँपालिकामा ७९ दशमलव ७१ प्रतिशत बालबालिका रहेका छन् ।
यस्तै, वीरेन्द्रनगर नगरपालिका एकसय २४ दशमलव ३७ प्रतिशत, गुर्भाकोट नगरपालिका एकसय १८ दशमलव ३२ प्रतिशत, बराहताल गाउँपालिका ९६ दशमलव ४८, सिम्ता गाउँपालिका ९१ दशमलव ५ प्रतिशत, लेकबेशी नगरपालिका ९१ दशमलव ९, चिङ्गाड गाउँपालिका ८८ दशमलव ७८ प्रतिशत र भेरीगंगा नगरपालिका ८२ दशमलव ९७ प्रतिशत बालबालिकाले खोप लगाएका छन् । २०७८ चैत अन्तिमबाछ शुरू भएको राष्ट्रिय खोप अभियान कार्यक्रम अन्तर्गत १५ महिनादेखि १५ वर्षमुनिका सबै बालबालिकालाई टाइफाइड विरुद्धको खोप लगाईको थियो ।
